尋日下晝兩點幾，見到「玩具大王」蔡志明一支公現身灣仔某名人飯堂，着白色上衣加背心外套嘅佢心情靚靚，見到在場有記者仲微笑兼停低受訪，問到就嚟父親節會點慶祝？佢話已經提早慶祝咗，仲笑笑口講：「上星期一家人去咗西貢遊船河慶祝。」咁收到乜嘢禮物？佢話：「仔女每人煮咗一個中菜畀我食，好開心。」提到新抱汪圓圓？佢話因為圓圓個肚太大，要留喺屋企休息，所以冇一齊上船玩。隨後有兩名保鏢護送佢上座駕離開。
蔡志明話新抱圓圓個肚太大，要留喺屋企休息。
