SUN揭秘：洗車美女 忠於自己看得透
洗車與喱士，兩者沾不上關係，但因穿上喱士的女孩洗車，卻予人無限幻想空間，甚至可以一夜間成為網上紅人。元朗一間洗車店被稱為「美女洗車屋」，全因店主女兒清儀樣子甜美，每逢假期便會幫手洗車。採訪當日，十八歲的清儀身穿透視喱士背心洗車，認為穿得美和洗車並無關係，「我覺得熱又覺得喱士靚，所以咪咁着，點解要理其他人點諗？」
元朗「美女洗車屋」引起網上熱烈討論。
清儀表示穿背心熱褲只是隨自己喜好，沒有理會旁人目光。
「美女洗車屋」早前被人淋紅油。（資料圖片）
清儀每星期都會用一、兩天到舖頭幫手洗車。
我覺得熱又覺得喱士靚，所以咪咁着，點解要理其他人點諗？
「美女洗車屋」因被淋紅油一事經報章及網上瘋傳後，清儀的電話一日間收三百個短訊，朋友紛紛稱她為網絡紅人，「我嗰日返咗深圳揼骨，唔知件事被形容成咁，一返到香港收到幾百個短訊通知，覺得好驚訝。」她表示，並不享受當網絡紅人。
清儀父親數年前在石硤尾開設車房，專門做維修，但業主在月前加租一倍，於是決心搬舖，他看準元朗多私家車出入，認為是商機，於是在區內開設洗車屋，但懷疑因在門口洗車阻礙的士上落客，遭人淋紅油及放恐嚇大字報。
「呢度開咗一個多月，我每個星期都有一、兩日過嚟洗車，唔驚人淋紅油，有時都會帶朋友嚟幫手。」清儀指，幫手洗車不求多些零用，只是單純的喜歡車，「我之後都會去學車，考車牌。」
有曾光顧過的網友直言，清儀的青春夏日打扮，令其「眼睛大吃冰淇淋」，也令人感覺涼快。攝氏三十度高溫下，清儀穿牛仔熱褲配喱士衫，有時候配半截背心，露出小蠻腰，她卻否認刻意打扮目的為招客。「依家好多女仔都咁着，出面又熱，我唔覺得有咩問題，亦唔係故意招生意，我只係忠於自己嘅喜好。」
網友讚「好Pure、好True」
問及可曾遇到客人故意騷擾，「早排我考文憑試，所以好少落嚟洗車，有個男仔客問我去咗邊，話好掛住我幫佢洗車。」她對於「被撩」早已見怪不怪，「佢都係講吓笑，玩吓啫。」
清儀剛考完中六文憑試，她稱其志願是讀酒店管理或幼兒教育，「已經有學校收咗我，但我未落到決定。」記者問男朋友有否給意見， 她甜笑說沒有男朋友，更迴避走開，「無呀，私人事唔講啦，嘿嘿。」難怪網友稱她「好Pure」、「好True」。
