一大清早，壹全霉大樓外聒噪不絕，少膽虫喺門口就見到家長萌主，「你條賤虫，終於肯出嚟喇，快啲對我負責！」少膽虫諗極都唔明，「又關我事？我做咗咩要對你負責？」

「你仲扮傻，你玷污咗我嘅清白！」少膽虫嚇到當堂彈起。萌主拎出《爛果》，「你哋作嘢屈我，搞到我清白名聲盡失，你今日點都要畀個交代我！」少膽虫揮揮手，想打發萌主離開，「你真係『厚多士』，我哋一向都係咁啦，唔係你邊有機會示威鬧《爛果》？」

萌主畀少膽虫激到火冒三丈，「你……你個無賴！」少膽虫笑笑口，「咁樣讚我，真係多謝晒！」萌主無計可施，終於使出「絕招」，「丟你，丟你，我丟你《爛果》入垃圾桶！」

少膽虫理都懶得理，逕自返回大樓，心諗︰「相比《爛果》回紙日日都要入堆填區，丟落垃圾桶，仲唔係光榮咩？又要講句：『萌主，多謝晒！』 」

第一手消息請下載on.cc東網iPhone/iPad/Android/Windows Phone Apps