繼港鐵之後，巴士又話加價，運房局局長炳炳驚畀人鬧，決定落區問問市民意見，點知結果出乎佢意料之外。

炳炳︰巴士加價，先生你點睇？

市民︰梗係唔好，加埋啲人工都唔夠畀車錢！

炳炳︰都唔係加好多，忍耐吓。

市民︰你都知我人工唔係加好多，咁就叫巴士公司忍耐吓啦！

炳炳︰人哋都唔想嘅，鬼叫蝕錢咩！

市民︰哦，情有可原，咁就算啦。

炳炳︰如果人人都好似你咁肯體諒就好喇！

市民︰你就想！如果我唔係下個月夠六十五歲搭兩蚊巴士，一早去你樓下抗議啦！

炳炳︰@#$$%%%@@

第一手消息請下載on.cc東網iPhone/iPad/Android/Windows Phone Apps