和廣北叫副總裁楊志威（圖）記住「冷冰冰」三個字。
中銀香港喺中環嘅總行運作多年，終於受到「挑戰」，有小股東尋日趁股東會，讚完總行「好靚」、地方大，擰轉頭就彈總行大堂畀人「冷冰冰」嘅感覺，「連一部咖啡機都無」，好可惜咁話。
副董事長兼總裁和廣北聽後，即時叫副總裁Jason楊志威要記住「冷冰冰」呢三個字，又話希望喺明年舉行嘅AGM上，可以响小股東口中得知有乜嘢改善咗。
和總開到聲，Jason當然不敢怠慢。佢話總行貫徹建築師貝聿銘嘅建築風格，可以隨便改嘅空間唔大，但都要與時並進嘅，今年都有幾間大型分行會試新裝修，雖然總行大堂嘅設計「需要慎重考慮」，但強調實會深入研究。
第一手消息請下載on.cc東網
