喺爭議聲中上任香港大學校長嘅馬斐森，上場已有三個月，唔少人對佢上任後嘅情況都好有興趣。咁啱三年一度嘅當代社會喪親與哀痛國際會議今年第一次响亞洲舉行，過千名世界各地參與生死教育研究嘅學者尋日聚集港大參與論壇同交流，記者梗係乘機要馬斐森交代吓近況啦！點知馬校長繼續「封口」，公關竟然話佢仲係太新，未係時候同傳媒傾偈喎！莫非要等佢卸任嗰陣先至係時候？雖然馬校長唔肯開金口，但就為在場表演嘅舞獅點睛做騷，唔知佢幾時會為港大「點睛」，挽救港大排名急跌嘅危機呢？

馬斐森（右二）

第一手消息請下載on.cc東網iPhone/iPad/Android/Windows Phone Apps