城中鏡：花旗卓曦文睇波撐行善
世界盃今個禮拜五就開波，身為英國人嘅花旗集團亞太區CEO卓曦文（Stephen Bird），梗係支持自己祖國英格蘭啦，但佢話巴西有主場之利，肯定會有一場惡鬥。雖然佢今年無緣去當地觀賽，但上禮拜六佢都率先睇咗好波，就係「花旗慈善盃」嘞。
鄭瑤璋透露芭蕾舞學會今年踏入五十周年。
今年個盃賽有八隊嚟自花旗同其他工商機構嘅代表隊參加，唔好諗到大家會喺球場廝殺，其實大家都只係為慈善，總共籌咗十七萬蚊，全數捐去慈善機構「寰宇希望」幫香港嘅基層兒童，而Stephen個人籌咗超過四萬七千蚊，全場最高。佢本身係超級球迷，成日同啲同事、客戶踢波，世界盃期間會喺屋企望實電視，同囝囝一齊緊貼球賽。
咁啱得咁蹺，另一個Steven，即花旗集團私人銀行香港市場總經理盧偉明，喺花旗「全球義工日」期間去咗老人中心唱歌，同院友打晒拍子唱《問我》，真係有愛心。
