元朗「世外桃源」的一列兩層磚屋，原來係非法搭建，但地政總署懵然不知，近月先通知住在該磚屋的居民，指磚屋在農地上僭建，違反土地契約，地署將收回地段，居民面臨迫遷。搞出咁大嘅大頭佛，李衞當然要問吓地署署長甯甯。

李衞：依家啲居民面臨迫遷，你話啦，點做嘢o架？

甯甯：我哋係按程序執法。

李衞：按程序？知道農地上僭建時，好應該立即阻止啦！

甯甯：當時我哋有發出警告信，要求移走構建物o架！

李衞：僭建者咪又係唔理，繼續佢有佢出售磚屋！

甯甯：所以我哋咪要收番地段囉！

李衞：會唔會後知後覺咗啲呢？咁啲居民點算？

甯甯：我哋跟足程序執法，居民方面，我哋都要收番地段先可以按程序幫佢哋，不過居民要畀啲耐性等嘞！

李衞：&^$%&^$#@@@!!

第一手消息請下載on.cc東網iPhone/iPad/Android/Windows Phone Apps