著名芭蕾舞家王仁曼同電影監製施南生，尋日齊齊以名譽委員身份，現身法國一間珠寶及腕錶學院嘅記者會，宣布該學院將首度在港開辦課程。現場所見，王仁曼步履緩慢且上下台都要人攙扶，問佢係咪身體不適時，佢就否認。

王仁曼（左）同施南生齊出席珠寶及腕錶學院記者會。

講到呢個品牌位於法國嘅學校時，佢話未有機會參觀，又話：「當年學校未起好，所以無去過，我去過佢哋喺巴黎嘅店。」施南生就話自己冇收藏珠寶，但有興趣學珠寶設計。佢話：「記得細個時候音樂老師同我講所有藝術都要參與，學彈琴唔係為表演，而係要更明白音樂，對藝術嘅熱情係要參與其中。」

第一手消息請下載on.cc東網iPhone/iPad/Android/Windows Phone Apps