大搜查：霓虹褪色
「霓虹亮透晚上，把城內也照亮……」樂隊達明一派的《今夜星光燦爛》時為上世紀八十年代，也是霓虹光管在香港最璀璨的日子。七十五歲的劉穩是本港最年長的霓虹光管師傅，他仍緬懷過去的輝煌歷史：「香港五光十色，係東方之珠，我都有份貢獻，有啲自豪感！」然而，現時即使資歷最淺的霓虹光管師傅，也有十八年年資，換言之，近二十年來再無新人入行，隨着師傅們年華老去，霓虹光管這門手藝恐怕亦會失傳。
彌敦道五光十色的霓虹招牌，盡顯香港東方之珠的特色。
工場內掛起了劉師傅代表作的舊照片--- 彌敦道普慶戲院「樂聲牌」招牌。
劉師傅為東方報業集團做了個「東」字霓虹光管。
劉師傅聚精會神燒光管，然後屈曲成字。
偌大的工場，現時只得劉師傅一人默默工作。
燒完的光管再吹，令屈曲位圓滑。
劉師傅工作的工場有四張長枱，昔日每張枱都有七、八位師傅一起搏殺，七嘴八舌，好不熱鬧，「依家得我自己一個人，你話淒唔淒涼？」劉師傅拿着四呎長的光管，在攝氏八百度的火燄上，又屈又吹，甚麼中文字、英文字，再複雜的圖案也難不倒他。劉師傅接受訪問時更即場示範，為東方報業集團做了一個「東」字，由屈曲、組合、注入氣體，直到接通電流，亮起奪目耀眼的火紅色，約為一小時。
現存師傅不逾十個
雖然工多藝熟，但一不留神，便很容易受傷，劉師傅雙手固然傷痕纍纍，指頭綁着的膠布就是新近的印記。工作危險或許是無人入行的原因之一，劉師傅也收過幾十個徒弟，但近十年八年都無了，他反問記者：「我收你做徒弟，你制唔制？」劉師傅指出，本港現存的霓虹光管師傅不多過十個，最年輕那位都做了十八年，未能傳承下去都無辦法。
劉師傅憶述，他十六、七歲跟隨父親入行，「佢（父親）當時做霓虹光管安裝，唔想我做高空工作，咪叫我學師做霓虹光管；開頭都覺得好悶，但為勢所逼，無話鍾唔鍾意，都係咁做落去。」幾年後學滿師，劉師傅月薪由三十元倍升至六、七十元，到七、八十年代，香港經濟起飛，「做得最多係酒樓、煙仔、銀行、電器、金舖招牌，最大個咪彌敦道普慶戲院嘅『樂聲牌』，成廿層樓高，幾十個師傅夾份做，做咗五、六個月」，說起代表作，劉師傅眉飛色舞。
「做得一日得一日」
近年LED燈出現，成為廣告招牌新寵，「LED燈，買配件裝嵌就得，製作簡單，又多變化，但霓虹光管始終有氣勢得多，鬼佬嚟到香港，見到廣告招牌五光十色，讚香港係東方之珠，呢個美譽，我都有份貢獻，有啲自豪感！」
西九文化區M+博物館舉辦探索霓虹招牌的網上展覽，找劉師傅做個「M+」招牌，他卻不以為然：「邊係藝術品，係商品，有錢佬放喺屋企慢慢欣賞嘅先係藝術品！」得到西九博物館賞識，劉師傅形容心情「好似細路哥勞作貼堂咁，第時都唔知有無命見到，有命睇到都高興。」
劉師傅早已過了退休年齡，「個女都叫我唔好做，我自己都有諗：『唔通做到死嗰日咩？』但我同公司有淵源，大家有恩，咪做得一日得一日囉！」
