藝人張崇德同劉美娟嘅長子夭折案，醫務委員會歷時九年先審結，被指聆訊效率緩慢，愈嚟愈多意見要求改革。對於有醫委會成員早前就建議增加非業界評估員，加快聆訊效率，食物及衞生局局長高永文話會認真考慮，總算係踏前咗一步，但希望佢唔好只係齋噏，要盡量加快步伐，落實改革，等嗰啲醫療事故快啲真相大白。
