飛虎借用單位 住客驚心動魄
【本報訊】「當時嗰四個重裝備嘅警察，入咗我間屋之後即刻部署，氣氛好緊張。我之後睇電視新聞直播，先知佢哋原來係飛虎隊。」在啟晴邨槍殺案中，曾借單位予飛虎隊行動的市民高先生，憶起當日近距離直擊飛虎隊行動的情況，仍覺得驚心動魄。
高先生講述當日飛虎隊借用單位情況。
原本在商場做清潔工的高先生，早前失業賦閒在家，獨居樂晴樓十四樓，對下四層樓正是槍手李德仁的單位。高憶述本周日早上，門鐘響起，他開門即見四名高大男子，出示證件自稱警察，要求他借出單位一用，他坦言：「當時我唔知發生咩事，但見有證件就開門啦，佢哋個個好大隻、孭晒重裝備，不過當時就冇戴飛虎隊頭套。」高指四人入屋後，立即整理帶來的裝備及部署，氣氛十分緊張。為免阻礙他們工作，便往對面單位姓張婆婆家中一起看電視直播。
「嘩！睇住直播先知佢哋係飛虎隊，當時真係緊張過睇警匪片！」飛虎隊完成行動後，便將單位交還予他，發現一隻窗花毀爛。房署知悉後，表示會盡快維修。高讚揚警方今次行動專業及有效率，保障到市民安全，「如果第日遇到咁情況，我諗未必會再借單位畀佢哋，因為真係好驚呀！」
