失婚加產後抑鬱 妄想「個B係魔鬼」
【本報訊】原擁有幸福美滿家庭的女事主，懷胎九月時與丈夫鬧離婚。精神科專科醫生推測，女事主大受打擊，加上缺乏丈夫支持，當時她已患上產前抑鬱症，而誕女後「冇人幫手」，在面對丈夫疏離、孩子黐身、財政上的多重壓力，又無支援下，或令其病情惡化，演變成產後抑鬱，甚至嚴重的重性精神病，不排除女事主因萬念俱灰想尋死，放不低歲半愛女而狠下殺手；亦可能她妄想「覺得個BB係魔鬼」，加上受到刺激才會殺嬰。
產後抑鬱徵狀及預防
精神科專科醫生丁錫全推測事主殺嬰原因，可能因為「佢面對咁多問題，睇唔到將來有乜解決方法，唔想做人啦，但擔心BB得唔到照顧，既然係咁同個BB一齊死。」估計事主當時心情好混亂，才會亂斬多刀殺嬰。
而精神科專科醫生李德誠則指出，假如女事主患嚴重產後精神病，當女嬰突然「扭計」，或令她壓力「爆煲」，突發性情緒失控，在神志不清下，做出殘殺子女的行為。李續指政府現時有提供產後抑鬱檢查服務，他建議母親在帶嬰兒往健康院打針時，填寫問卷接受分析識別問題。
