拿取維穩費的禍港分子,口口聲聲話八九年六四當晚,喺北京天安門廣場內無死過人,如斯偽語,絕對標準「狗噏」也!

「廣場內」無死人啫!但無講過「廣場外」無死人喎!那群異稟又說:「袁木總結數字,只得約三百幾人被殺之嘛!點算係『屠城』呀!」無邏輯、無水準,兼無人性嘅「愛國者」,喺呢幾日,竟日日可以在香港特區的大氣電波中不斷行使佢哋嘅「言論自由」,大講特講。

有香港的電台以「中立」、「持平」為理由,請來「愛國團體」發表「反六四集會」的意見,話當年廣場學生繼續留守,最衰都係支聯會的李卓人帶錢和物資上京支援才釀成悲劇,若要追究「屠城」責任,應先搵李卓人負責云云。哦!

喂!李卓人帶上京的錢和物資,全是港人捐出的,咁!幕後嘅罪魁禍首,應係全港市民呀!

「愛國團體」又指「六四是個歷史悲劇」,呼籲港人放下包袱,向前看。

他們怎會知曉六四不是個包袱,而係咱們永遠丟不低的,是公義、是良知、是人類的基本價值。

「愛國團體」被罵無血性時,即反駁話民主社會應容許有不同意見嘅聲音,並追問:「又話民主精神會誓死捍衞別人嘅言論自由嘅?」唉!經佢所講嘅,唔係不同嘅意見,而係反公義、反人性嘅冷血反智狗話呀!「香港的電台」嘅高層,收唔收到呀?

仲有,今晚有班「愛」字堆嘅走獸喺維園場外玩挑釁,志在生事,佢哋想愈亂愈好,藉此劍指佔中,這等小把戲,特區政府高層怎會唔知,奈何,竟派大量警力去保護他們行惡,是維穩行動也!請大家小心!

彭志銘

次文化考古學家,對城中潮語有深入研究,博徵博引,廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps