SUN搞作:少膽虫手記:壹全霉求職指南
踏入六月,對壹全霉嚟講又係繁忙嘅日子,皆因好多大學生畢業出嚟都會麻木亂寄求職信,務求拿拿聲搵份工先,一日收幾十封真係閒事。嗱,唔好話少膽虫唔教精你哋,等我過番幾招,嚟到壹全霉見工就無往而不利啦!
一、正所謂入屋叫人入廟拜神,忍住臭入到堆填區,喺壹全霉門口記住大嗌三聲「淫賤黎萬歲」,呢啲擦鞋嘢淫賤黎至like,肯定加分。
二、我唔明,點解咁多青春少艾嚟見工都會着行政套裝,唉,入得壹全霉門口,梗係愈低愈短愈着數啦,唔係點吸我少膽虫睛呀,大學畢業大個女喇,醒少少好唔好?
三、依家啲後生仔真係冇文化,你睇吓以前,想拜入孔子門下都要送禮啦,你哋嚟到見工點可以兩手揈揈o架,果籃、曲奇、海味呢啲係最基本o架啦,冇錢買就去問阿媽攞,明白未?
四、好多人面試嗰陣,都會講埋啲低B理想,例如「要為市民發聲」、「捍衞新聞自由」,一聽到呢啲廢話,想請你都難啦。壹全霉需要嘅係反中亂港嘅攪屎棍,係抄襲新聞嘅機械,係誨淫誨盜嘅南鹹北濕,唔該你哋搞清楚。
難得我今日過真料,係咪獲益良多呢,唔使講多謝嘅,如果有幸嚟到面試室,枱面已經準備好利是封,要點做?你懂的。