依家好多家長，千方百計要仔女贏在起跑線，花旗集團香港及澳門區行長盧韋柏嘅做法就有啲唔同，佢係要求囡囡喺擔任義工工作上，贏在起跑線，其實，佢囡囡已經贏咗好多人，因為佢喺媽咪肚入面嘅時候，就已經有參與「全球義工日」。

盧韋柏認為「全球義工日」活動好有意義。

盧韋柏個囡囡，雖然只係三歲人仔，但已經準備好做佢人生中嘅第五次義工！嚟緊嘅星期六，囡囡將會同爸爸、媽媽，參加花旗集團第九屆「全球義工日」，去東華三院灣仔院舍同基層小朋友做手工藝品創作同畫畫，今次仲係特登向學校請假出席o架！

俗語有云，施比受更有福，盧韋柏都認為今次活動真係好有意義。囡囡早喺媽咪肚入面嘅時候，就已經有參與「全球義工日」，囡囡前兩年仲同基層小朋友一齊整曲奇餅、做手工，玩得好開心！呢啲咁有意義嘅義工，其實仲好過畀小朋友參加playgroup喇。

第一手消息請下載on.cc東網iPhone/iPad/Android/Windows Phone Apps