男童樓梯撞見疑兇 殺人後揸槍伸懶腰
【本報訊】「當時我見到升降機口有個人瞓低,以為係公仔或者拍戲,於是改行後樓梯,落一層準備搭升降機。點知喺後樓梯見到個男人,佢右手揸住支槍,係咁郁隻手好似伸懶腰咁,嚇到我唔敢郁,等咗大約十分鐘,估計個男人走咗,先即刻改行第二條樓梯走!」十三歲姓曾男童,憶起上周六深夜遇見槍手一幕,仍歷歷在目。
槍殺案當晚,曾童聲稱目睹槍手揸槍伸懶腰。
睹屍以為拍戲公仔
居於欣晴樓的曾童,與父母及弟弟同住,上周六晚,他往樂晴樓二十一樓朋友家玩耍,期間與友人突聽聞「嘭!嘭!嘭」三下聲響,初時以為是BB彈不以為意,其後離開返家,始見嚇人畫面。
曾童憶述,當時瞥見一名男子,躺在二十一樓電梯大堂地上,以為是公仔或有人拍戲,遂改行後樓梯往二十樓搭升降機,詎料卻遇上槍手。他事後曾向人談及事件,但卻無人相信,至昨日上學再憶起事件,始感驚慌和手震,情急下哭了出來,老師和母親才知悉事情。
曾太稱,周日槍手與警駁火時,兩名兒子都在家中,亦聽到槍聲和巨響,幼子更被嚇致不能入睡,翌日突然發燒須看醫生;據她所知,樂晴樓一名女街坊,亦目睹姓廖死者伏屍電梯大堂。