SUN焦點：登記逾六萬輛 路邊位不足九千
電單車違泊問題存在已久，背後揭示出電單車泊車位嚴重不足的問題。根據運輸署數字，截至今年四月，全港電單車登記總數為六萬一千二百一十八架，但全港電單車路旁泊車位只有八千九百九十七個。
有電單車車主表示，政府從無認真處理車位不足問題，違泊亦是迫於無奈，即使去信有關部門爭取加建泊位亦不得要領。
本身是一本電單車雜誌社長，有三十年駕駛電單車經驗的Sunny Chau 指電單車車位不足「好多年都係咁」，俗稱「排骨位」的路旁泊車位供不應求，只有少數收費停車場有提供電單車位，「我自己住嘅屋苑個車場得十個車位，我排咗七個月先排到。」他認為政府配套不足，違泊是迫於無奈，更要承受失竊風險。
「警方個指揮官叫我搵運輸署，運輸署又叫我去搵警署，我都唔知係邊個部門負責。」於葵涌上班、有十年駕駛電單車經驗的曹先生解釋，區內電單車位相當緊絀，被迫泊於後巷或「排骨位」旁，卻連遭抄牌，去信政府部門要求加建電單車位，卻慘被當人球，「政府無嘗試過解決問題，我對住佢哋覺得好沮喪。」
