SUN搞作：少膽虫手記：Shame on you！
少膽虫輕推房門，見到淫賤黎鬼鬼祟祟，右手揸滑鼠，左手喺枱底郁嚟郁去，少膽虫諗唔到淫賤黎竟如此荒唐大膽，直斥：「光天化日喺公司『做愛做的事』，真係Same！Same on you！」淫賤黎雖被突如其來的指摘嚇一跳，卻氣定神閒回道：「你又要做呀？」「咩我又要呀！我先唔會咁無恥！Same！Same！」「你係咪想講Shame呀？啲英文咁唔正，練好啲先學人講啦！」
「腦細，有邊個人話自己講英文百分之一百準？就算外國人都未必係，每個人都有自己口音嘅！」「講得唔正仲咁賴皮？虫你咁得閒入嚟搵水吹，唔使做呀？」少膽虫畀腦細篤中死穴，心裏怕怕，「挽救壹全霉大計好快有、就快有、即刻有，不過整頓辦公室嘅風氣都好重要，虫唔能夠睇住淫邪歪風助長落去！」
淫賤黎極不耐煩：「同我出番去！」繼而淫賤黎左手再摷摷枱底，臉上露出喜悅神情，少膽虫見勸阻不果，便上前捉住腦細嘅手，只見佢手中緊握着一支筆，少膽虫心知不妙，原來誤會咗腦細，淫賤黎發火怒吼：「我執筆啫，你厚多士！」
