港鐵又有事故，日前荃灣線列車爆巨響，乘客在車廂摸黑三分鐘。港鐵事故頻頻，卻已宣布按可加可減機制平均加價3.6%，你話市民唔嬲就假，一於搵港鐵高層問話。

市民：港鐵成日出事，服務求其，車費就照加，你哋醜唔醜o架？

高層：都係按可加可減機制去做嘢，我哋一班員工都要生活！

市民：至弊你哋連續五年加價，又唔見得服務有改善！

高層：有改善o架，我哋每次都會檢討之前犯的錯……

市民：你哋唔知錯就真，仲夠膽加價！

高層：就係要加價，我哋先會改善到服務質素。

市民：你哋唔應該加價！

高層：唔加價？服務質素同車費係成正比，冇金錢的鼓勵，我哋又點會有改進呢？

市民：%#!#@$@#%$^!!

第一手消息請下載on.cc東網iPhone/iPad/Android/Windows Phone Apps