港鐵禍事一單接一單，繼高鐵隱瞞工程延誤、南港島線工程亦不如預期後，連西港島線都出咗問題，即使年底新線可以開通，都要飛一個站，否則又係整條線遲數月半載。港鐵喺洋人行政總裁韋達誠領導下，鐵路營運同新鐵路工程嘅進度都「瓣瓣唔順」，咁多問題出現，明顯同佢領導港鐵、管理不善有關。營運七百萬人嘅城市鐵路網絡唔係「玩泥沙」，洋總裁雖然有外國大都會嘅鐵路運輸經驗，但喺香港卻一再撞板兼甩轆，累人又累己！
