政府工程一個接一個爆出超支醜聞，繼高鐵、蓮塘口岸後，西九文化區又肯定要超支，事關當年獲撥款嘅二百幾億元唔夠起三期設施，最新嘅估算係只夠起第一期同二期工程，至於第三期嘅大劇院、音樂中心等就冇錢喇，甚至連起唔起都唔知噃！咁多政府工程都超支，同政府高官好大喜功、但又評估失準有關，規劃時雄心萬丈、落實時又虎頭蛇尾，結果搞到成群大白象埋唔到尾，負責睇住政府盤數嘅掌櫃鬍鬚曾睇怕又要改工程數簿。呢啲咪就叫天不怕、地不怕，最怕鬍鬚曾估數囉！
第一手消息請下載on.cc東網
- on.cc 東方互動主頁
- 4月8日 (二)
