城中鏡：鄭兆良設計婚紗有奇遇
著名時裝設計師鄭兆良（Barney）有好多擁躉，唔少人更專程請佢設計婚宴衣飾。講起設計喜服，Barney透露最近忙於為客人做嫁娶設計，早前更遇上一個特別客人，令佢好難忘。
鄭兆良最近忙於為品牌製作高級男裝滑雪訂製服。
Barney話，呢個客人幫兒子準備結婚事項：「新抱嘅婚紗、晚裝所有嘢我都設計好，但突然聯絡唔到佢，隔咗一排，佢叫我唔好掉啲婚紗。」九個月之後，呢位忽然失聯嘅客人又嚟搵Barney，但就帶咗新嘅新抱嚟，並且話要試之前設計好嘅衫。久經大場面嘅Barney都忍唔住笑，仲話記得之前見過面唔係咁樣，但兩個人啱着一件衫？Barney揭秘話：「好彩兩個都係model先啱着！」
