政壇：投行出報告估巴西主場奪世盃
萬眾矚目嘅世界盃就快開鑼，近排好多人都開始心思思，安達人壽保險總裁藍沛樂曾經係波友，佢大膽預測今年德國隊會拎冠軍，法國就有機會爆冷。今年世界盃喺巴西舉行，佢話到決賽時，可能有機會請假去睇波喎。
同樣關注世界盃嘅仲有一啲投行，高盛尋日就出咗一份67頁嘅報告，講吓今年世界盃經濟，又估吓今年邊隊會威水吓。根據份報告，今年決賽會係神級對戰——「巴西對阿根廷」，而前者奪冠概率，喺32隊參賽隊伍當中係48.5%，可謂頂頭大熱，事關次熱嘅阿根廷奪冠概率都只得14.1%。最多香港球迷鍾意嘅英格蘭奪冠機會極之低，得1.4%，大家真係要留心睇吓啲貼士有幾準嘞。
