SUN焦點：園藝公司痛失生招牌
「上個月已經被偷樹黨偷走三棵種咗二十年嘅本地羅漢松，每棵價值三萬蚊，點知到今個月，偷樹黨又嚟。今次嗰棵仲係日本種，係公司四年前用三萬蚊買入，高兩米，現值六萬蚊。」園藝公司孫先生形容失竊的日本種羅漢松形態優美，已是公司的『生招牌』，特意放於門外吸睛，為免再成目標，已加強保安。
「我哋一定會鎖好門，仲派人巡吓啲植物，等竊匪無機會再次落手！」因園內仍種植不少羅漢松，兩次被盜羅漢松的孫直言會在園藝公司安裝閉路電視，晚上會安排更多人手留宿花園。至於元朗被盜羅漢松的車場亦有自保法。記者到場視察，發現車場已用鐵架圍着餘下三棵羅漢松的腳根，嚴防被偷樹黨連根掘走。昔日被偷樹的位置，已換上一棵非羅漢松的新樹。
