城中鏡：萬科總裁出奇招保員工健康

內地房地產企業競爭激烈，人才都係競逐嘅一環。萬科就有一套古怪嘅規矩，譬如好關心員工健康，如果員工健康指標退步、上司要被減獎金喎。

郁亮係健康人辦，四年內大幅減重，身形亦變成鋼條咁。

總裁郁亮就喺企業內嘅健康人辦，身材原本都有啲圓潤嘅佢，依家變到鋼條咁，舊年更登上珠峰。佢透露，呢四年間一共瘦咗二十五斤，嚟緊更要練出六舊腹肌，目標喺明年底做到。

指標遜去年上司要扣錢

郁總話，員工嘅健康係公司嘅責任，與其搞醫療福利，不如花多啲資源令到員工健康啲，唔使病。但健康點監察呢？郁總話，會睇員工嘅多項健康指標，如果指標可以比一年前好，就會有獎，如果差嘅話，上司就要被罰。結果，唔知啲職員係唔係怕上司被罰，大家都好努力保持身體健康，過去三年都未有試過有人被扣獎金。