SUN搞作：sun官場現形記：皆大歡喜
六條主要離島渡輪航線加價百分之五至六，有市民不滿政府已補貼近二億後仍加價，於是鬧爆運房局官員。
市民：離島渡輪航線又加價，好離譜呀！
官員：冇辦法啦，通脹嘛，經營成本實上升，加吓價是常識吧！
市民：之但係你哋已經補貼近二億喎……
官員：如果唔補貼，佢哋咪營運困難囉！
市民：佢哋營運困難，我哋市民荷包就冇困難咩？
官員：將就吓啦！你都唔想無船搭o架？
市民：咁又無人想……
官員：咪係囉！你有你搭船，我哋有我哋揈錢補貼，佢有佢加價，咪皆大歡喜囉！
市民：@^#%!#!^#!!!!
