政壇：聞勁減內地客方剛嚇親

中港矛盾激化，策略發展委員會日前舉行閉門會議，討論如何化解兩地之間嘅矛盾。特首梁振英在會上拋出削減兩成內地個人遊旅客「試水溫」，當日都有在席嘅立法會批發及零售界議員方剛梗係反對，擔心影響零售市場，佢形容當時自己：「差啲跌咗落地囉、非常驚訝。」

方剛嘅擔心係，如果內地旅客減少兩成，本地零售界一定會受到好大衝擊，最怕嘅仲係政府會一刀切，建議將內地居民嘅「一簽多行」，改為「一日一行」喎。

不過，持反對意見嘅議員就認為，一簽多行帶來好多唔留港過夜嘅人，應該取消「一簽多行」政策，咁樣，本港旅遊業先有望重回正軌。