SUN搞作：打橫嚟講：今日香港，邊個最專業失德呢？

「專業」一詞，除了是特權階級彰顯惡勢力的霸權外，也像卡片上印着強國某村鎮的政協名銜一樣，只是一陣惡臭的異味！

藝人夫婦張崇德和劉美娟之長子夭折案，一審九年（其實，應叫「一拖九年」），由「專業」的「醫務委員會」審決，最終判罰因「專業失德」，導致嬰兒死亡的蔡明欣醫生「停牌兩年」；另一個被控罔顧專業責任，無安排初生嬰轉至深切治療部搶救的尹錦明醫生則乜罪都冇，乜責任都唔使負，笑着回家。

一個BB之死亡，全因專業失誤，也只罰一個醫生停牌兩年，真要問：「生命何價？」

醫委會臨時主席麥列菲菲被問及「判刑」有否過輕時，她答量刑要參考過往案例。喂！即係你班自己友攬自己友，判刑像放假囉！

最慶的，還是上一次聆訊日，正值「母親節」，本可有判決，但這專業委員會話啲委員當晚有約會，要押後宣判喎！玩泥沙似的！

沒有了孩子的劉美娟，也要過「母親節」哩！張氏夫婦二人亡子之痛，只求個「公道」啫！若少點毅力、財力和精神力量，早已放棄，又讓一樁醫療事故過骨了！

張崇德接受訪問時最重要的兩句話，沒有見報：「今日嘅香港，點解可以會搞成咁？呢度嘅制度同公義，仲值唔值得我哋留低生活呢？」對啦！家陣，呢十七年來，每日有幾多不公義的冤情和劣行發生呢？靠誰去解決呢？專業的政府高層？去死吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府