城中鏡：馬詩慧唔捨得仔女留學

又到畢業季節！名模馬詩慧（Janet）和王敏德（Michael）嘅二女王麗嘉喺美國啱啱舉行中學畢業典禮，Michael夫婦二人同長女王曼喜前日先由美國返港，一家人中得細仔要準備喺香港嘅考試，冇一齊過去。

馬詩慧同王敏德的二女王麗嘉中學畢業，兩人梗係要去美國觀禮啦。

兩個女兒都去外國讀書，細仔會唔會效法呢？做媽咪嘅Janet好唔捨得：「我最怕啲人喺我個仔面前問佢幾時出國，我希望留得佢幾耐得幾耐。」佢又話，大女都係完成中學先去外國讀書，佢希望細仔唔好太早去住。

啱啱中學畢業嘅麗嘉，今年十九歲，細時好喜歡打高爾夫球，曾經諗過繼續進修運動，但大個咗諗法又變咗，Janet就話，女兒已改變主意，大學將選修室內設計。爸爸王敏德都話，畢業禮時，校長讚麗嘉讀書有心機，性格好又友善，佢大感安慰。