政壇：坪洲補選鄉事派傳內訌

地區消息指出，據聞今次坪洲及喜靈洲補選最少有三人參戰，三位都係坪洲人，包括來自現任坪洲鄉事委員會主席黃漢權陣營嘅鄉委會委員曾秀好、屬於前鄉委會主席兼現任鄉議局副主席林偉強陣營嘅人選，以及一一年區議會選舉亦有參選、但最終低票落選嘅白鴿黨成員陳智連。

翻查一一年嘅選舉結果，原來亦係同一格局，屬於黃漢權陣營嘅已故原當區區議員安慶英，當年以一千一百七十七票當選，被指係林偉強陣營嘅馬鎮添取得八百六十五票，陳智連就只得四百零七票。再參考一○年嘅坪洲鄉委會街坊代表選舉結果，當時曾秀好以九百四十票高票當選，因此今次補選亦以曾秀好被看高一線，泛民估計只能繼續陪跑。