SUN焦點：櫃機即場過數免買家出蠱惑
網上拍賣騙案不絕，賣家如何自保？中文大學酒店及旅遊管理學院會計及財務高級講師李兆波表示，「當對方表示有興趣買嘅時候，要留意對方喺網上嘅信譽，例如有冇用手機或信用卡驗證身份等，如果對方係新手，就要提高警覺。」
黃國桐提醒賣家，需確保買家有「落Bid」完成交易，以便追討損失。（資料圖片）
支票入數勿即放貨
「交收時，最好收現金，即使對方要求過數，亦要喺附近嘅櫃員機進行，避免對方出蠱惑。」李續稱，賣家應拒絕收支票，而透過網上理財平台交易時，若發現對方用支票入數，決不能即時「放貨」，直至確定收到款項後才交貨。
此外，現時有不少網站或中介商店提供寄售服務，收取中介費用，市民寄售時亦要看清條款，即使受騙亦可向涉事機構索償。
