城中鏡：里昂街舞王舞起虞茱迪
時尚名人Judy虞茱迪喜歡欣賞街舞，今年更贊助法國五月節 ，邀請一班來自里昂嘅世界級嘻哈街舞大賽冠軍隊伍Pockemon Crew來港演出，尋日呢班全男班街舞班霸現身銅鑼灣時代廣場，即場使出倒立自轉同凌空翻觔斗伎倆，更突如其來抱起Judy，令Judy亦不禁嚇一大跳。
全男班街舞班霸尋日表演高難度動作，虞茱迪（黑衫）都跳埋一份。
Judy突然被抱起，嚇一大跳。
Judy自認係坐唔定嘅人，喜歡周身郁，身體柔軟度高，本來適合跳舞，小時曾學過芭蕾舞，但佢笑說：「我唔係高貴人，始終覺得唔係好啱我。」佢透露早前喺西洋菜街發掘一班本地跳街舞嘅年輕人，決定實現佢哋嘅夢想，贊助佢哋去歐洲學藝同參加國際比賽，佢話歡迎其他年輕人搵佢實現夢想，又話：「佢哋初初都好抗拒，以為我想抄佢橋，我話係正經人，後尾佢哋上嚟公司見我先至明白。」
