SUN揭秘：擋車癌漢仗義無悔

早前尖沙咀發生一宗醉漢搶的士駕駛的事件，該神志不清醉漢駕的士四處亂撞，有十多人圍觀，但唯一敢上前阻止醉漢離開的，竟是個身患末期癌病的男子。四十五歲的盧金勝七年前跨過死亡關口，令他從此不畏死亡，遇到不平事就挺身而出，「過得一日得一日，有咩想做就去做。」正是他的格言。

盧金勝於○七年發現患上末期鼻咽癌，經過大半年治療後，至今病情受控。惟患病後體力大不如前，一有精神，勝哥就會走到尖沙咀海旁邊聽歌邊飲啤酒。上星期一個晚上，勝哥如常到海旁聽歌，曲終人散他亦準備離開歸家。

當勝哥行至海旁巴士總站時，聞到燒焦味，只見一輛的士橫放巴士車道，車尾陷進鐵欄，卻不斷踩油想離開，車上的司機竟然上身赤裸，當時有十多人在旁圍觀。勝哥見該男子神志不清，隨即走近的士，着坐在司機位的赤膊漢落車但不果。勝哥試圖拉開車門迫令對方落車，未料對方竟於此時從車內伸出長遮，「嘩！佢一嘢隊埋我塊面度，搞到我爆晒缸，如果佢插上少少真係眼都盲。」

勝哥與對方糾纏數分鐘後，軍裝警亦趕至，警員初時更誤會勝哥同為疑犯，將他與該醉漢齊齊鎖上「孖葉」，經解釋後始獲釋放，但因要送院驗傷及落口供，結果直到清晨才可歸家。這種義行在其他人眼中，可謂自找麻煩，但勝哥並無後悔，「佢已經準備揸車走，如果你畀佢走，可能撞到人。」

正面樂觀度餘生

「我以前都唔敢企到咁前，最多只會企喺遠處指住鬧！」今次擋車事件令勝哥受傷險盲，但他指自己並非生性大膽，說過去只敢出口，未敢出手。今天不再怕死，只因他曾無比的接近死亡。七年前，他多次進出屯門醫院接受化療，住院大半年，在病房內見證不少生命流逝，「我住腫瘤科病房，每日聽到同房病友同家人喺度喊，再睇住佢哋好辛苦咁離世，我真係對死亡麻木晒。」

當年醫生話自己患上末期癌症，曾令他無心機過活。但患病的經歷反使他想通，要正面樂觀地度過餘生，心願就是要做個好人，敢去為有意義的事犧牲。