SUN搞作：sun官場現形記：老翻
鬧市中一大批市民喺度叫「翻版SAY NO！」，發展局官員咁啱經過此地，就畀市民圍住……
市民：又一個翻版，好離譜！
官員：你哋咁嬲嘅？咩嘢翻版？
市民：你哋囉，啲工程翻版都有嘅！
官員：唔係啩，手袋、波鞋、銀包就話有老翻啫，乜工程都會老翻咩？
市民：廣深港高鐵翻版呀！仲喺度扮唔知？
官員：冇可能，十大基建樣樣都唔同，點會有翻版呀！
市民：係就樣樣都唔同，不過東九單軌四年前估價已經係120億，仲要2017年先動工，到時唔超支就假，仲唔係高鐵超支翻版？全部都係大白象工程！
官員：%^&*^&$#$@#!!!
