政壇：梁繼昌鍾情愛爾蘭
財政預算案「拉布」戰有望下月初結束，班立法會議員當然想放暑假鬆番吓。會計界議員梁繼昌梁繼昌就計劃七月底休會後，同太太及一對仔女去愛爾蘭玩十幾日。唔講唔知，原來梁繼昌同愛爾蘭呢個地方好有淵源，就連佢囡囡Siobhan同囝囝Kieran個名都係源自愛爾蘭。
梁繼昌原來同愛爾蘭好有淵源。
話說梁繼昌當年喺英國讀書，畢業後喺當地工作時，佢嘅包租婆就係愛爾蘭人，而佢十幾年前同太太去愛爾蘭旅行，遊車河、睇吓風景更加係佢重要嘅回憶。梁繼昌鍾情愛爾蘭，就連幫一對仔女改名都係用愛爾蘭名。好似囡囡個名Siobhan咁，就係佢太太Jane英文名嘅愛爾蘭版，而囝囝嘅英文名，就揀咗佢喺英國工作時嘅公司主席名字Kieran。
