城中鏡：何倍倩美容電器DIY
「恒生新抱」何倍倩有多年做美容生意經驗，愛動腦筋嘅佢，近年開始研發美容小電器，自己做白老鼠，經佢手設計嘅小電器亦唔少，成為名媛「發明家」，亦成為唔少女士嘅扮靚顧問。佢話：「我好鍾意研發同出面唔同嘅嘢，好似出面嘅洗面機，刷頭係毛，清洗唔容易，我就諗可唔可以改用其他物料做，終於諗到用矽膠做，清洗方便好多，而且唔會將洗面液彈到周圍都係。」當佢想到新嘅設計時就會同廠房研究，再做資料搜集、科技研究同測試。
何倍倩倣效外國嘅精品店，喺本港開設全新概念嘅精品店。
最近佢又倣效外國嘅精品店，投資七位數字，喺本港開設全新概念嘅精品店，店舖除咗有護膚品、美容小電器、毛巾精品外，仲會提供包裝服務，佢同著名花藝設計師合作，為客人提供度身訂造鮮花包裝服務，令收禮物嘅人更添驚喜。
