政壇：立會傾人權公約變鬧劇

國際人權公約有提及選舉權同被選權，泛民議員當然就此大做文章。其中公文袋陳家洛批評政府日前「一錘定音」否決「公民提名」，根本係冇誠意諮詢市民。來自建制派嘅林大輝，其後就不點名踩番公文袋等泛民政黨，批評佢哋一時又唔同中聯辦見面、一時又話時間唔啱、一時又話唔喺呢度見，根本係佢哋冇誠意溝通。

民主阿婆方案被嘲一篤屎

社民連梁國雄除咗鬧政府之外，又將「民主阿婆」陳方安生提出嘅溫和政改方案比作「一篤屎」，話如果中央讚陳太嘅方案「香」，即係叫大家「食屎」。

獨立泛民黃毓民亦鬧溫和泛民對「公民提名」猶抱琵琶半遮面、鬼鬼祟祟，對五區公投更加係唔夠膽。名副其實係「鬧」劇一場。