SUN焦點：會計系畢業教錯小三英文
「見佢英文唔錯，以前又喺會計公司工作，咪叫佢教導兩個小朋友做功課，點知教錯晒。」Ceci（化名）家中的菲傭，是一名會計系畢業的大學生，她想取其方便，要家傭教小朋友做功課，結果錯漏百出。
她有兩名兒子，分別讀中四及小三，細仔曾不懂做英文作業，向菲傭請教，菲傭頭頭是道解答，詎料作業派回後，發現大部分錯誤。「我大仔讀商科，有一科係關於會計原理，想問下工人以前有冇讀過相關內容，佢居然完全唔識，仲問係咪數學題。吸取今次教訓，我明白菲律賓同香港教育制度唔同，唔會再叫佢教小朋友，寧願自己教或請補習老師，現只要求家傭做家務。」
