越南近日發生反華暴動，尋日沙田馬場有賽事，唔少商界名人聚頭，香港工業總會名譽會長孫啟烈（Cliff）話，雖然自己冇喺當地設廠，但有唔少業界好友嘅廠房遭受衝擊，大家都緊急調回派駐越南嘅港人，事關人命最緊要。佢無奈話，講到底，今次騷亂係同當地政治有關，港商避無可避。

甄文達（左）及孫啟烈（右）相識咗三十幾年，尋日又喺馬場偶遇。

著名烹飪節目而揚名海外嘅甄文達（Martin）都有現身，原來佢啱啱落機就趕住入馬場，見到Cliff，仲即刻有傾有講，原來兩人相識三十幾年，早排Cliff去美加遊玩時，都去過Martin間餐館食飯。

廣東社團總會主席王國強透露，佢上個月啱啱去過越南河內，話估唔到今時今日仲有咁污糟嘅地方，當地環境差，連一條乾淨少少嘅街道都冇，佢惟有一直坐喺車上，唔敢落地，佢仲話，以後都唔會再去喎！

第一手消息請下載on.cc東網iPhone/iPad/Android/Windows Phone Apps