SUN搞作：打橫嚟講：係香港人的 唔好再跪地了！
香港PK冚家富貴政府為求搶地，不惜巧取豪奪，學足大陸，拆長者村無商無量，逼得老伯伯八十歲人，也得當眾淚流披面，跪求廢柴庸官手下留情，好讓佢哋「安享晚年」。
看此新聞片時，心痛滴淚！那X街長官張建宗竟「還價」話預計二○二三年（即九年後）有安老院舍落成，分批安置班老人喎！你老X啦！要八十多歲的公公婆婆「瞓街」到九十幾？你班狗官仲係人嚟嘅？
呢頭阿伯跪求安身之所，嗰頭又見班將軍澳居民在立法會跪地喊求「停建」一堆一爐！
做乜，依家啲香港人咁鍾意「屈膝」跪地？
「跪」，是一種「禮」。「跪禮」，只會向值得敬重的人施行，如祖先、父母、師長，甚或神祇及蒼天。在皇權統治下，專政者以尊卑、君臣、長幼等階級觀念．托舉自己高人一等的地位，遂產成「跪拜」和「跪安」等禮儀，令下屬矮了一截！
一群為自己合理權益爭取公道的人，係不需「跪低」的！相反，更應挺直腰板企得高高，俯視那些卑劣的垃圾庸官！
跪地，是「求饒」！
大家仲記唔記得二十五年前四月二十二日，三個中國學生頭頂請願書，跪在北京人民大會堂石階求見李鵬總理，結果點呢？
無神論的新中國土壤上，再沒有領導跪地祭天，只剩下三陪小姐在銷金窩內跪地斟酒，或有人在刑場上，遭蒙眼跪地候決！
在香港街頭巷角，常見到一式一樣裝扮的老婦，跪在地上不斷磕頭行乞，這批全是大陸南來搵食的集團黑工，絕非香港本地人。
係香港人的，請勿再向比你卑下的小人下跪，因怕佢哋受唔起，畀雷劈；同時，也為自己的尊嚴，何需自我矮化？淨講道理，佢哋反過來應向你下跪啦！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook
一齊（目及）實政府
