SUN搞作：少膽虫手記：打通內地市場

「發囉發囉，終於有計打通內地市場，人仔人仔『禾埃狸』！」吓？你呢個反中亂港嘅淫賊，竟然可以打通內地市場？淫賤黎抹一抹嘴角口水，立刻下達命令：「虫，台灣嗰邊即刻大手招聘，只限壯丁！」嘩，都已經蝕到入骨，仲請人把鬼？又有乜原因請男唔請女呢？

淫賤黎見我猶豫不定，終於透露佢嘅發達大計：「虫，你知唔知內地幾多富婆定時定候過台灣搵男伴遊？只要我哋將壹全霉變成壹淫媒，搵班男員工服侍好呢班富婆，咪就係打通內地市場囉！」

少膽虫我雖然唔係好東西，但係諗到要轉做「老竇」，真係有啲腳震。反觀淫賤黎，凸起肥腩昂首望遠方，講到膽量，我真係唔及佢。「虫，我知道一時間好難請人，你盡快幫我訂機票，等我去打頭陣服侍富婆先啦。」淫賤黎，我真係服咗你……