何緯豐（左）將去山西拍攝微電影參賽，胡曉明（右）向隊員傳授提升心理質素心得。
山西煤炭、冶金、文物同旅遊生意，具有極大發展潛力，香港自然成為集資好地方。雲集香港及山西企業家嘅「香港山西商會」，前晚舉行首屆會董就職禮，創會會長Herman胡曉明帶頭捐出一幅名畫籌款，又憑住本身多年來對體育嘅經驗，協助一班香港微電影發燒友去海拔千五呎嘅山西拍片參賽，提升參賽者嘅心理質素。
山西商會榮譽顧問容永祺（中）拉埋兒子容思瀚（右）同姪女容倩頎（左）加入商會。
山西商會副會長游錦榮（左）將帶隊考察新加坡同韓國，物色商機，霍英東集團副總裁霍啟文（右）都話會落足眼力揀投資項目。
山西風景優美且富有獨特風俗同歷史，微電影比賽於當地取景，相信唔難搵到好題材。雖然Herman冇份帶隊，但當佢知道會董Vincent何緯豐任團長，即時提出擔任特訓顧問「過兩招」，教授隊友心理戰術兩小時。由於今次拍攝比賽限時四十八小時內完成，所以Herman提醒大家要飲多啲水、夠瞓同保持頭腦清醒。
攝影器材重到手軟
Vincent有「香港微電影之父」之稱，拍攝難佢唔倒，但山長水遠去到山西，單係攝影器材已經好重，真係未拍先手軟，好彩同行有五位年輕人幫手。至於有冇機會揚威，大家就要拭目以待喇！
其實Herman同中華總商會榮譽會長Ian霍震寰嘅祖宗幾千年前同山西有淵源，難怪兩人拍住創會，而Ian仲派出兒子霍啟文做副秘書長添！從事燃氣生意嘅常董周浩雲正考慮到山西投資，計劃將當地煤炭製成天然氣，希望提供環保能源。
第一手消息請下載on.cc東網
