得悉阿漢出事後，其父母匆匆趕抵醫院，一直憂心忡忡，痛心兒子遭遇橫禍，情緒低落，「阿仔係半個左撇子，用左手揸筷子，又要靠對手揸車搵食，最初好擔心佢日後唔知點算。」但阿漢的爸爸說，當日醫院當值警察的一番說話，令兩夫婦最終釋懷，決定與兒子一同樂觀面對，「阿Sir話佢見過唔少呢啲情況，如果我哋唔支持佢，佢之後未必捱得過。佢叫我哋要撐佢，唔好鬧佢，要講多啲鼓勵說話，唔好你又愁我又愁。」

愛心靚湯熬出濃情

現在每逢周末，阿漢的媽媽都會一早到街市買餸，為阿漢炮製豐富餸菜，「平日我要湊孫無時間，佢食得好簡單，放假就買好啲嘅餸，等佢可以食得新鮮啲。」訪問當天，她買了水魚、竹絲雞和豬（月展），準備用來煲湯，「水魚對傷口好。」她細心地剁碎豬肉，對愛兒關懷之情表露無遺，「做完手術唔食得豆類同豉油，對傷口唔好，盡量要食清淡啲。」對於父母的悉心照料，阿漢感激不已，「真係好多謝屋企人。」