SUN搞作：少膽虫手記：都是亡國人
咪睇我少膽虫平日傻傻更更，其實我只係為咗掩飾大智慧，免得招人妒忌啫，就好似我平日時常將「做好壹全霉」掛喺口邊，唔通真係做得好咩。
唉，講時講，本虫有時返到公司，放眼一望，嗰份無力感真係湧晒出嚟。無力感何來？好簡單，只要望向編採部門，舉目皆見食塞米，日日喺度呃飯食，你就知無力感點嚟。呢班淨係識偷懶嘅廢渣，跑新聞唔夠人跑，抄新聞唔夠人抄，連作新聞都要畀人揭穿，就好似「大頭佛」單嘢咁，咪又搞出大頭佛囉，你話我作為腦腫，點樣可以唔氣餒？
或者你會話，凡事轉個角度睇，可能唔同晒呢……我話畀你哋知，喺我個位轉個角度，就正正係望住淫賤黎間房，嗰份無力感咪仲頂唔順！呢條淫賤腦細日日喺度點紅點綠，你就負責畀佢點到陀陀擰，呢份公公嘅工你估咁易做o架！
本虫呢刻雖仍安坐腦腫大位，但眼前夕陽西下，就似映照壹全霉日暮途窮，亦憬悟咗我嘅一點靈犀：君是亡國昏君，臣是亡國佞臣，豈有活的道理？
