政壇：孫公久休復出圓潤番
好多人都鍾意粵劇，保良局慈善粵劇晚宴尋晚舉行，吸引唔少愛好者出席，除咗一班保良總理外，抱恙退隱官場嘅教育局前局長孫明揚，同曾經喺工會同政界活躍嘅劉千石都有現身，佢哋喺晚宴場地相見時，即刻唧噚一番，影相時更互相禮讓添。
孫公（中）神采飛揚出席晚宴，佢同阿石（左）都鍾意粵劇。
呢一晚，粵劇同慈善係主角，養病一排嘅孫公神采飛揚咁同太太出席，佢哋有影皆雙，真係羨煞旁人，孫公休養一排，身形明顯圓潤番。阿石見到孫公顯得好開心，佢哋由前立法局年代就經常見，依家雖然相繼遠離政圈，但又有粵劇成為新嘅聯誼品，果然係有緣人。
唔講唔知，保良局好多總理唔止鍾意聽粵曲，仲唱得好好添，有啲更撥冗跟大師學藝。
