高層獲薦延退休嘥公帑

有港鐵內部員工透露，高級經理級人員獲批延遲退休「古怪管治文化」近年出現，可獲延休兩至六年不等，估計一年都有「十個八個」，獲延休者疑獲「自己人」引薦辦理：「佢哋有自己嘅門派，好似一個『樂園』咁，互相引薦！」，又說港鐵特意為延休者加開新職位，職階不變仍屬高級經理級，職銜冠以特別職務，「佢哋繼續攞月薪十萬，仲有得加，但平時無乜嘢做，係咪真係有必要加開呢啲位！」，港府是港鐵大股東，變相由市民支薪給這群「翻閹」人士。

港鐵發言人回應表示，港鐵員工正常退休年齡為六十歲，有關延遲退休安排會按既定機制及準則，不限職級就個別情況考慮，如員工有否擁有特殊或稀有的知識及技能，而現有資源又不能代替，及其工作表現須符合要求。