超級單車徑大埔至粉嶺一段，未竣工先開通，有單車發燒友即刻去試新單車徑，咁啱喺路上撞到土木署官員……
單車友：段新單車徑好易迷路……
官員：指示牌唔夠啫，遲啲會加多啲。
單車友：不過危機四伏，處處陷阱，有段路得啲山寨圍欄，一個唔小心翻車跌倒，就好易跌落十米深嘅儲水池！
官員：有啲位未完成晒，將就吓啦。
單車友：我老手夠經驗就話唔怕啫，新手嚟踩好易出事，隨時攞命！
官員：練多幾次就唔怕啦……
單車友：咁你同罔顧人命有咩分別？
官員：話明新單車徑，梗係有挑戰性o架啦，呢鋪仲唔係夠晒挑戰畀你哋班單車發燒友玩？
單車友：*%^&$%@@@!!!!
第一手消息請下載on.cc東網李衞
