尋日係母親節，好多做仔女嘅都會選擇同媽媽食餐飯，送下禮物咁，多謝媽咪嘅悉心照顧。其實，喺呢日周圍嘅食肆都爆晒棚，好難搵位，但咁啱尋日下晝兩點，就喺灣仔某名人食肆撞到名媛林李婉冰，當時佢仲同兩個仔一齊添，佢哋當然係嚟慶祝母親節喇！問到兩個囝囝送咗乜嘢禮物畀佢？佢話：「有一個仲讀緊書，另一個做緊嘢，畀咗封利是我。」

林李婉冰（中）尋日同兩個囝囝齊喺名人食肆食飯，慶祝母親節。

老實講，林李婉冰平日忙到不得了，仲經常為慈善籌款活動而四處奔走，要兼顧家庭真係唔容易，難得兩個仔咁孝心，付出幾多都值得喇！

第一手消息請下載on.cc東網iPhone/iPad/Android/Windows Phone Apps