大搜查：家暴受害童唱歌展歡顏
綠韻團員都有自己愛上音樂的故事。指揮Ronald自小聽到歌聲就手舞足蹈，笑言「音樂有特別嘅magic（魔法），令到咩年紀嘅人都投入到！」現就讀教育學院音樂教育系二年級的他，堅信音樂能治愈人心，他難忘曾教導家暴受害兒童唱歌，看着他們重展歡顏，「小朋友初時唔講嘢、仲想走咁，但唱完《我的驕傲》，佢哋好投入，開心咗好多！」
綠韻團員都有自己的音樂故事。左起為曾曉琪、盧希蕙、楊朗廷、利柏建、曾如恩。
為練歌走堂
中學時已踏足指揮台的Ronald，現時除了綠韻，也在中、小學以至長者合唱隊任指揮，「無論老人家、小朋友，聽到音樂都好興奮、手舞足蹈！」平日常到社區中心及婦女組織服務的他，志願是成為中學音樂老師，將對音樂的熱愛，傳承給年輕一代。
現時就讀中文大學音樂系的團員曾如恩（Michelle）是二胡高手，閒時教孩童鋼琴，特別招收自閉症兒童，「佢哋學琴初時無反應，甚至喊晒、瞓晒地咁，要諗辦法吸引佢哋注意力！」Michelle發現，拍手的快慢、琴音的高低，都會令自閉症兒童變得專注。她感嘆現時本港教授特殊兒童的音樂教師不多，「佢哋好多都極具潛能，甚至有絕對音準，但教佢哋要花心神耐性，唔多鋼琴老師肯做。」
綠韻團員不限於音樂系學生，就讀香港大學自然科學院的團員曾曉琪（Kay）笑言，自己僅算音樂初哥，合唱卻使她着迷，「為咗綠韻嘅表演，我試過走堂練歌，練到天昏地暗，但係好開心！」就讀理工大學視光學系的男團員利柏建（Roger）說，現時正實習為市民驗眼，每天工作刻板，「但放咗工來到綠韻唱歌，就覺得好舒服，好想繼續落去！」
